MOUSQUETAIRE

s. masc. Qui porte le mousquet. Dans les Compagnies d'Infanterie, il y doit avoir les deux tiers de mousquetaires, & le tiers de picquiers.

On appelle par excellence les Mousquetaires du Roy, deux Compagnies de gens à cheval portant le mousquet, & qui combattent tantost à cheval, tantost à pied. Ces deux Compagnies sont distinguées par la couleur de leurs chevaux. Lune est la Compagnie des Mousquetaires gris ou des grands Mousquetaires ; l'autre des Mousquetaires noirs ou des petits Mousquetaires : toutes deux commandées par des Capitaines-Lieutenants. Il sont reputez du corps de la Gendarmerie, & marchent aprés les Gendarmes Escossois.